Telelanaren modalitateak duela gutxi hartu duen garrantzia dela eta, eta Kudeaketa Aurreratuaren Ereduaren bertsio berriaren gomendioen arabera —lan egiteko modu desberdinak kudeatzea—, behatoki honetan gertutik jarraitzen ari gara haren bilakaera. Aurreko artikuluak irakur daitezke esteka honetan eta beste honetan eta erakundeetan dituzten ondorioei dagokienez artikulo honetan eta beste honetan.
Bada, artikulu berri honetan ohiko iturriko daturik berrienak dakarzkigu, AEBn fenomeno hori aztertzen ari den mundu mailako proiekturik handiena, Working From Home Research. Duela egun batzuk bere azken txostena argitaratu zen eta jarraian datu esanguratsuenetako batzuk grafikoen bidez erakutsiko ditugu.
Telelanean emandako egunen batez bestekoa % 30 inguruan mantentzen da:
Pertsona guztien artean, % 40k telelana egiten du, % 12k lanaldi osoan, eta % 30 inguruk eredu hibridoa jarraitzen du:
Telelana egiteko aukera ematen duten lan mota duten pertsonen artean, % 20 inguruk telelana egiten du % 100ean, eta ia erdiak eredu hibridoa jarraitzen du:
Enplegatzaileen planak eta enplegatuek telelanari dagokionez dituzten nahiak egonkor mantentzen dira, astean 2,5 eta 2,75 egun hurrenez hurren :
Telelanarekin asteko egun gehien dituzten sektoreak zerbitzu teknologiko-enpresarialak eta finantzak dira:
Telelanaren ehunekoa aldatu egiten da adin-taldearen arabera:
Gertuagoko datuei dagokienez, egia esan, ez dugu Working From Home Research, bezalako iturri zentralizatu eta eguneraturik, baina duela egun batzuk, “La otra brecha de Europa: ¿por qué los suecos teletrabajan más que tú?” artikulua argitaratu zen El Confidencial egunkarian, gaiari buruzko Europako eta Espainiako (INE) informazio apur batekin. Jarraian, grafikoki ikus daitezke jasotako datu batzuk:
Telelanaren bilakaera Europan, 2019tik 2021era. Espainia batez bestekoaren azpitik dago:
2021ean Espainian telelana egiteko aukera zuten pertsonen ehunekoa, desberdina zen hauen ikasketa-mailaren arabera:
2021ean Espainian telelana egiteko aukera zuten pertsonen ehunekoa ere desberdina zen jarduera motaren arabera:
Interesa duten pertsonek informazio gehiago aurki dezakete jatorrizko iturrietarako esteketan. Guk, datu berriak ezagutzen ditugun neurrian, behatoki honen bidez informazioa ematen jarraituko dugu.
