Senior talentuaren sekretua: mitoa ala aukera?

Kudeaketa Aurreratuaren Elementua

Estrategia (Interes-taldeak, prozesuak, negozio-eredua, antolakuntza-eredua, Aginte-taula integrala, helburuen hedapena…)

Edukia

Senior talentuari lotutako mitoak gezurtatuko dira, eta erretiroak pertsonentzat, enpresentzat, erakunde publikoentzat eta gizartearentzat dakarren benetako aukera aurkeztuko da, adituen eta senior pertsonen eskutik.

Datorren hamarkadan, lan-merkatuan sartzen den pertsona bakoitzeko ia lau pertsona erretiratuko dira, eta 2030ean biztanleria aktiboaren % 40k 50 urte baino gehiago izango ditu. Euskadin, hamar biztanletik ia hiruk 65 urte baino gehiago izango dituzte.

Enpresen % 84k dagoeneko arriskutzat jotzen du langileen zahartzea, baina gutxik txertatu dute gai hori beren estrategian. Ia erdiek aitortzen dute beren lanpostu kritikoen % 40 baino gehiago senior profesionalen esku daudela.

Aldi berean, lege-esparruak ate berriak irekitzen ditu: erretiro aktiboak pentsioa eta lana bateragarri egitea ahalbidetzen du, hobariak galdu gabe, eta bizitza-luzetasuna lehiakortasuna eta gizarte-kohesioa bultzatzeko eragile gisa sendotzen ari da.

Prest al gaude aukera hori aprobetxatzeko?

Programa

Senior talentuaren sekretua: mitoa ala benetako aukera?

Datozen urteetan, gure historiako esperientzia, prestakuntza eta osasun handieneko belaunaldia erretiratuko da. Ezinbesteko galeratzat hartzen dugu, ala gure erakundeek eta gizarteak dituzten aukera handienetako bat bezala? Ezkutuko urrea ote dugu, eta ez dakigu nola aprobetxatu?

Jardunaldi honetan, senior talentuari buruzko mitorik zabalduenak gezurtatuko ditugu, eta benetako kasuen eta testigantzen bidez erakutsiko dugu nola bihur daitekeen abantaila pertsonentzat, enpresentzat, erakunde publikoentzat eta gizarte osoarentzat. Ezagutza eskaintzen jarraitzeaz, gogoko duguna eginez diru-sarrerak sortzeaz eta erretiroa hartu ondoren ere aktibo eta konprometituta jarraitzeaz hitz egingo dugu.

Programa

• 9:30 · Ongietorria
• 9:45 · Adinekoak soberan ditugu ala ideiak falta zaizkigu?
  Daniel Maruri, Sereniorren sortzailea, idazlea eta erretiratuen psikologoa.
• 10:30 · Senior talentua gizartean mantentzea
  Alfonso Davalillo, kudeaketan eta estrategian aditua, UPV/EHUko kudeaketa-sistemen arduraduna.
• 11:15 · Kafe-etenaldia
• 11:45 · Mahai-ingurua: ekarpena egiten duen esperientzia
  Hiru ibilbide desberdin eta uste sendo bera: erretiroak ez du zertan ekarpenaren amaiera izan. Mahai-inguru honetan, benetako esperientzia praktikoak partekatu eta alderatuko dira, beren talentua gizartearen zerbitzura jartzen jarraitu nahi dutenentzat.Juan Ignacio Burgaleta, Satlantis Microsatseko zuzendari nagusiaren aholkularia, SENERen 43 urteko ibilbidea egina.José Miguel Muñoz Pardos, lan-zuzenbidean aditua eta ArcelorMittaleko eta Osakidetzako Giza Baliabideetako zuzendari ohia.Biek enpresa-munduari lotuta jarraitu dute zuzendaritzako etapa amaitu ondoren, gogobetetze handiz. Erakundeei aholkulari edo mentore gisa balioa ematen nola jarrai daitekeen azalduko dute, baita ezagutza hori mantentzen eta aprobetxatzen dakiten enpresek zer irabazten duten ere.

  Iosu Martínez, Hub IDGS Territorios con ALMAko presidentea eta Comunidad B Norteko sortzaileetako bat.

  Gizarte-eraginaren ikuspegia ekarriko du: senior esperientziak ingurunea eraldatzen duten gizarte- eta komunitate-proiektuak nola bultza ditzakeen azalduko du.

• 12:30 · Harremanak egiteko tartea eta cateringa

Nori zuzenduta: pertsonen kudeaketako eta estrategiako arduradunei, enpresetako eta erakunde publikoetako zuzendaritzei, erretiratzeko adinera hurbiltzen ari diren edo dagoeneko erretiroa hartu duten profesionalei, eta lanaren etorkizunean eta zahartze osasungarrian interesa duen edonori.

📍 NIC (Nagussi Intelligence Center), Aita Gotzon 37, Urduliz
🗓 Urriaren 15a · 9:30–13:00 · Aurrez aurre
🎟 Doan. Plaza mugatuak.

Izen-ematea: forms.gle/2ZcY9LS4xdEzqi4c9