Knowinn

Kudeaketa aurreratuaren ereduaren elementuak ezagutzea, autoebaluaziorako zein kanpo-ebaluaziorako erreferentzia modura erabiltzen ikastea eta kasu praktiko baten ebaluazioa egitea.

• Kudeaketa Aurreratuaren Ereduaren edukia.
• Kudeaketa Aurreraturako lan-tresnak.
• Kasu praktiko baten ebaluazioa.
• Ebaluazio Kluba eta EUSKALITen Kanpo Ebaluazioa.

Ikastaro honek irauten duen bitartean, matrikulatutako pertsonek erakunde baten kudeaketaren ebaluazioa egin beharko dute, kasu erreal bat, irakasleek adierazitako jarraibideei jarraituz eta ezartzen den metodoaren arabera lan eginez.  Horrek esan nahi du, Kudeaketa Aurreratuaren Eredua eta erakunde batek kanpo-ebaluazio erreal batera aurkezteko erabili duen kudeaketa-gida irakurri behar direla.  Kanpo-ebaluaziorako web-tresna bat erabiliko da, kanpo-ebaluazio errealetan erabiltzen denaren antzekoa. Ikasgelan talde-lana eta bateratze-lana egingo dira.

• Ikastaro honetan ebaluazio baten simulazioa egitea da ezarpen proiektua.
• Ezinbestekoa da lehen jardunaldi osoan parte hartzea, ariketak egiteko oinarri teorikoak eta lan dinamika azaltzen baitira.
• Norberak 30 ordu inguru eman beharko ditu eta ebaluazio simulazio batean parte hartuko du, ikastaroan parte hartzen duten gainerako pertsonekin taldean lan eginez.
• Ikastaro hau probetxuz egiten dutenak eta hala nahi dutenak Ebaluazio Klubean sartuko dira.
• Ikastaro hau gaztelaniaz edo euskaraz ere eman daiteke, behar zehatzetara egokitutako datak, ordutegiak edo formatuak pertsonalizatu nahi dituzten erakundeetan. Jarri gurekin harremanetan 94 420 98 55 telefono-zenbakian edo bidali mezu elektroniko bat tgarcia@euskalit.net helbidera.