Erakunde antolatzaileek proposamen bat aurkeztu beharko dute, eta hor jaso beharko dute Europako Astean parte hartzea justifikatuko duen jardunbide egokia edo esperientzia arrakastatsuren bat. 

Jardunbide egokiak hautatzeko, Batzorde bat egongo da, kudeaketaren eta komunikazioaren arloko adituek osatua. Batzorde horrek erabakiko ditu parte-hartze egokienak, bai Kongresuaren formaturako, bai Kongresutik kanpo, eta irizpide hauek hartuko ditu kontuan: berritasuna, jardunbide egokiaren hedapena eta emaitzak, zeharkakotasuna, interes mediatikoa, etab.

Parte hartu ahal izateko, erakunde antolatzaile interesdunek beren proposamena bidali beharko dute, bi gaietako zeinetan jardunbide edo esperientzia on bat identifikatuz, eta jardunbide egokia zertan datzan, parte hartuko luketen hizlari/erakunde posibleak eta lortutako emaitzak laburtuz.

(*OHARRA: izena emateko formularioan bertan bete beharko da)


KONGRESU FORMATURAKO HAUTATUTAKO PRAKTIKAK

Kongresua urriaren 18an eta 19an egingo da aurrez aurre eta streaming bidez, hau da, Bilboko Euskalduna Jauregian izango den programazioa zuzenean emango da.

Aukeratutako gaiak kontuan hartuta, Kongresuaren programa honela geratuko litzateke:

Hautatutako erakundeek ekitaldia EUSKALITekin batera egiteko konpromisoa hartu beharko dute, horrek dakarren guztiarekin (alderdien arteko komunikazioa, agendaren eta esleitutako denboren kudeaketa, etab.). Hautatutako praktika bakoitzak ezin izango du 12 minutuko aurkezpena gainditu, publikoarekin eta gai-multzoa partekatzen duten beste erakunde batzuekin parte hartzeko eta elkarrekintzan aritzeko aukera gehiago izateko. Gainera, Kongresua dinamikoa eta arina izatea nahi dugu, batez ere asistentzia birtualetan pentsatuz.

Batzordearen erabakia uztailean jakinaraziko da; horrela, Kongresurako hautatzen ez diren praktikak egiten dituzten erakundeek Europako Astean parte hartzen jarraitu ahal izango dute, Europako Astetik kanpoko ekitaldi bat antolatuz, erabakitzen den formatuan (aurrez aurrekoa, online edo mistoa).

Zuen proposamena hautatuz gero, EUSKALITek ordainduko ditu aretoaren eta baliabide teknikoen gastuak, eta ezin izango dugu hori egin Kongresutik kanpo antolatzen baduzue ekitaldia.


KONGRESUTIK KANPOKO EKITALDIETARAKO HAUTATUTAKO PRAKTIKAK

Beren proposamena Kongresu formatuan aurkeztu nahi ez duten edo horretarako hautatuak izan ez diren erakundeek nahi duten formatuan garatu ahal izango dute beren ekitaldia.

Kasu horretan, ekitaldia zuen baliabideekin egingo da, zuen ustez egokiena den moduan (aurrez aurrekoa, streaminga, online), eta egokitzat jotzen duzuen formatuarekin eta iraupenarekin (mahai-ingurua, bertaratutako publikoaren edo publiko birtualaren hitzaldia eta galderak, etab.).

Batzordearen erabakia uztailean jakinaraziko da. Kontuan izan behar da proposatutako gaiak ez badatoz bat EUSKALITek lehenetsitako gaiekin edo Astearen helburuarekin, Batzordeak erabaki dezakeela ekitaldi hori ez sartzea Europako Astearen esparruan.

(* Urriaren 19an eta 20an ez da beste ekitaldirik programatuko, Kongresua ez oztopatzeko).

EZINBESTEKOA da argibide hauei jarraitzea:

1.- Uztailaren 7a baino lehen (luzatua): ASTEAN PARTE HARTZEKO PROPOSAMENAREKIN IZEN-EMATEA ERAKUNDE ANTOLATZAILE GISA  (dagokion inprimakia bete beharko da).

Izen-emate horren bidez, erakunde antolatzaile bakoitzak sarbide gako bat aukeratuko du, eta hori, gero, beharrezkoa izango da ekintzen zehaztasunak adierazteko.

2.- Irailaren 15a baino lehen: Zure erakundeak antolatuko dituen EKITALDIEN ETA EDUKIEN IZEN-EMATEA, webgune honetan: www.euskalit.net/semana/organizaciones. Ekitaldien inskripzioaren atalera sartzeko, beharrezkoa da aldez aurretik Batzordeak zuen partaidetza berrestea (uztailean), eta erakunde antolatzaile gisa inskribatzea, 1. puntuko urratsen arabera.

Irailaren 20tik aurrera, ekitaldien behin betiko egutegia argitaratuko da. Aurretik, baina, iradokizunak jakinaraziko dizkizuegu, eta beharrezkoa izanez gero, ekintzak egingo diren egunak edo tokiak aldatzeko premiaren berri emango dizuegu, beste erakunde antolatzaile batzuen ekintzekin batera ez tokatzeko.

• EUSKALITek koordinazio lanak egingo ditu; alegia, honako hauen sustapen, edizio eta banaketa lanak: kartelak edo roll-upak (aurrez-aurreko ekitaldientzat bakarrik), onlineko asebetetze inkestak eta buletin elektroniko bereziak bidaliko ditugu Europako Asteari buruzko edukiekin (landutako gaiak, erakunde antolatzaileei egindako elkarrizketak, bideoak, etab.).  Era berean, Europar Astearen webgunea izango dugu, non Asteari buruzko informazio guztia jasota dagoen (protagonistak, ekintzen agenda, PDFn deskargatzeko moduko egitaraua, Kudeaketa laburrean lehiaketa...). Azkenik, sare sozialetan informazioa zabaltzeko laguntza emango dugu.
• EUSKALITek, Kongresuan egingo diren ekitaldietarako izen-emateen izapideak egiteko baino ez du emango laguntza. Gainerako ekintzetan, erakunde antolatzailearen ardura izango da hori, eta hark erabaki beharko du zein den izena emateko modurik egokiena: helbide elektronikoz, telefonoz, online plataforma bidez, etab.
• Urtero lez antolatzaileak EUSKALITeko aholkularitzarekin konta dezakezue, ekitaldien gaia, hizlarien hautaketa, etabarretan laguntzeko.
• Feed-backa eta ekitaldi bakoitzaren konparazioa, ekitaldi guztien asebetetze orokorrari dagokionez.

• Zure erakundea ikusgai egongo da Europar Astearen baitan. Helburu nagusia da, hain zuzen, Kudeaketa Aurreratuaren garrantziari buruz sentsibilizatzea. 
• Zure erakundea Astearen balioekin konpromisoa duen erakunde gisa posizionatzea interes taldeen aurrean (langile taldea, bezeroak, hornitzaileak, administrazioa…).
• EUSKALITen ikuspegia lortzen lagunduko diguzu; alegia, Kudeaketa Aurreraturako mugikortasunean erreferente izaten lagunduko diguzu. Hala, ezarpen maila handia lortuko du, eta horrek aukera emango dio Euskadiri nazioartean lehiakortasun erreferente izateko.
• Argitaraturiko material eta euskarri guztietan zure erakundearen logotipoa agertuko da.

• Epeen betetzearekin bereziki zorrotzak izatea behar dugu, gainerako lankideen lana eta antolaketaren fase guztiak errespeta ditzagun, Astearen antolaketa pertsona eta erakunde askoren ahalegin garrantzitsua suposatzen duelako.
• Behin Astea bukatuta antolatzaile moduko inkesta betetzea. EUSKALITentzat oso garrantzitsua da zure iritzi eta iradokizunak biltzea, Astearen hurrengo edizioak hobetzeko, eta zure ekitaldira bertaratutako pertsonen kopurua jakiteko.
• EUSKALITi sortu daitezken edozein aldaketa edo ustekabe aurrerapen nahikoarekin jakinarazi.