ULMA TALDEA S. COOP.
ULMA TALDEAREN EUSKARA PLANAK 20 URTE
|
Erakundea: ULMA TALDEA S. COOP. Sektorea: Industria Langile kopurua: + 251 www: https://www.ulma.com/eu/ Kontaktuaren izena: Ibon Calvo Kontaktuaren posta elektronikoaren helbidea: icalvo@ulma.com Kontaktuaren telefono zenbakia: 677985429 |
| Hitz gakoak Barneko Komunikazioa Estrategia |
| Erreferentzia Marko Estandarraren elementua 3-Barne-komunikazioa eta lan-tresnak 6-Kudeaketa-sistema |
| Kudeaketa aurreratuaren ereduaren elementua 1-Estrategia 3-Pertsonak |
ULMA TALDEAREN EUSKARA PLANAK 20 URTE2024an bete zituen ULMA Taldeko Euskara Planak 20 urte. Urteurren hori baliatzeko topaketa bat antolatu zen azken 20 urteetan ULMAn euskararen arloan lortu denaz eta hurrengo urteetan egiteko dagoenaz hitz egiteko eta hausnartzeko.Zehazki, abenduaren 3an, Euskararen Eguna ospatzeko, ekitaldi berezia antolatu genuen Gandiaga Topagunean. Bertan izan ziren ULMAko 80 langile baino gehiago, Garbiñe Mendizabal Gipuzkoako Foru Aldundiko Hizkuntza Berdintasuneko zuzendaria, Iñaki Olalde Oñatiko Udaleko Kultura batzordeko presidentea eta Amaia Balda Etxarte Emun Aholkulariak elkarteko koordinatzailea. Ekitaldian ULMAk azken 20 urteetan euskararen arloan egindako ibilbidea errepasatu zen eta Ibon Calvo ULMA Taldeko presidenteak ULMAren euskara planaren iraganaz, orainaz eta etorkizunaz hitz egin zuen. Aurkezpenaren ondoren, bertaratutako guztiek taldekako lan batean parte hartu zuten: 2044an euskarak ULMAn izango duen egoera irudikatu zuten. Horren ostean, Kontrapas proiektua aurkeztu zen eta zer izan zen? ULMAk euskararekin duen konpromisoa erakusteko ekimena helburu bikoitzarekin: batetik, ULMAko barne-loturak sendotzea eta, bestetik, euskararen sustapenarekiko duen konpromisoa erakustea. Langileak parte-hartzeara animatzeko ULMAko lehendakariek bideo bidez egin zuten deia. Ikus-entzunezko emaitza hau urte osoko lanaren ondorioa izan zen. Azkenik, topaketaren egunari amaiera emateko, Eñaut Elorrietaren kontzertuaz gozatzeko aukera izan zuten bertaratutakoek. Hemen duzue laburpen bideoa: https://www.youtube.com/watch?v=x1MnAq7aQtw https://www.youtube.com/watch?v=yG-5rsVTnj4 Emaitza hau izan zen: Kontrapas: https://www.youtube.com/watch?v=crE263Y5TUU https://www.youtube.com/watch?v=x1MnAq7aQtw https://www.youtube.com/watch?v=yG-5rsVTnj4 https://www.youtube.com/watch?v=crE263Y5TUU |