Erakundeetan ezagutza da lehengai nagusia, baina hura behar bezala identifikatzea, sailkatzea, biltegiratzea, ustiatzea, hedatzea eta aplikatzea ez da lan erraza. Erakunde bateko erabaki estrategiko handietatik hasi eta banakako erabaki txikietaraino, norberaren eta taldearen ezagutzak baldintzatzen ditu, eta, beraz, bistakoa dirudi ezagutza hori behar bezala kudeatzeak sistema konplexu baten funtzionamendua errazten duela, hala nola enpresa edo erakunde batena.
Ezagutza kudeatzeak erakunde baten estrategian, bezeroekiko harremanetan, estrategia horretan lan egiten duten pertsonekiko loturan, ezagutza-iturri gisa berrikuntzan eta estrategia hori gizartearekin trukatzean dituen ondorioei buruz hausnartzeko gida izan nahi du marko honek.
Euskalitekin zure erakundearen kudeaketari buruzko hausnarketak eta diagnostikoak egin ditzakezu, gida hau erreferentziatzat hartuta. Esteka honetan egin dezakezu zerbitzu honen eskaera.
