Sorland Komunikazio Agentzia
Marka irudiaren eta bezeroekiko kaptazio estrategiaren elementu zentral gisa jartzea euskara
|
Erakundea: Sorland Komunikazio Agentzia Sektorea: Zerbitzuak Langile kopurua: 6-20 www: https://sorland.eus/ Kontaktuaren izena: Maialen Odriozola Martija Kontaktuaren posta elektronikoaren helbidea: maialenodriozola@gmail.com Kontaktuaren telefono zenbakia: 687069509 |
| Hitz gakoak Erakundearen irudia Estrategia |
| Erreferentzia Marko Estandarraren elementua 6-Kudeaketa-sistema |
| Kudeaketa aurreratuaren ereduaren elementua 1-Estrategia |
Marka irudiaren eta bezeroekiko kaptazio estrategiaren elementu zentral gisa jartzea euskaraSorlanden, euskara ez dugu kostu, betebehar edo komunikazioaren amaierako egokitzapen gisa ulertzen, negozio-balioa eta marka-balioa sortzeko gai den aktibo estrategiko gisa baizik. Euskara gure lanaren abiapuntuan eta jarduera osoan txertatzen dugu: zerbitzuen diseinuan, sormen-prozesuetan, bezeroekiko harremanetan, lantaldearen eguneroko jardunean eta merkaturatze-estrategian. Ikuspegi horrek aukera ematen digu euskaraz modu naturalean eta kalitatez lan egiteko, itzulpen hutsetik harago, hizkuntza bakoitzaren testuinguru soziolinguistiko eta kulturala kontuan hartuta.Euskaratik lan egiteak Sorlanden posizionamendua eta bereizgarritasuna indartzen ditu. Bezeroekiko konfiantzazko eta gertuko harremanak eraikitzen laguntzen digu, batez ere euskara beren nortasunaren, jardueraren edo gizarte-konpromisoaren parte duten erakundeekin. Era berean, merkatuan espezializazio jakin bat aitortzea ahalbidetzen digu, eta horrek eragin zuzena du bezeroak erakartzeko eta fidelizatzeko gaitasunean, baita enpresaren epe luzeko lehiakortasunean ere. Praktika horren emaitzak hainbat bidetatik jaso ditugu. Alde batetik, bezeroen asebetetze-inkestetan askok nabarmendu dute Sorland aukeratzeko arrazoietako bat euskaratik sortzen eta lan egiten duen agentzia izatea dela. Horrek erakusten du euskararen aldeko hautua ez dela soilik balio identitario edo sozial bat, bezeroen erabakiak baldintzatzen dituen balio-proposamenaren osagai bat ere badela. Bestetik, gurekin lan egiten duten erakunde askori beren jarduera, marka eta komunikazioa euskaraz ere garatzen lagundu diegu. Horretarako, ez gara edukiak itzultzera mugatzen: estrategiak, diskurtsoak, kanpainak, izenak eta komunikazio-piezak euskaratik pentsatzen eta sortzen ditugu. Horrela, bezeroei euskaraz modu koherente, erakargarri eta eraginkorrean komunikatzeko baliabideak eskaintzen dizkiegu, eta hizkuntzaren presentzia ez ezik, haren benetako erabilera eta kalitatea ere indartzen ditugu. Horrenbestez, praktika honek eragin bikoitza du: Sorlanden marka eta negozio-eredua sendotzen ditu, eta, aldi berean, gure bezeroen bidez euskararen erabilera-eremuak zabaltzen eta euskarazko komunikazio profesionalaren kalitatea hobetzen laguntzen du. Modu horretan, enpresaren garapena eta gizarteari egiten dion ekarpena norabide berean kokatzen dira. Sorlandek Markalariak foroan parte hartzen du: Markalariak, euskarazko komunikazioaren komunitatea |