GARAIA OSASUNERAKO SUSTAPENA S.L.
Euskara lehenestea arreta psikologikoan eta esku-hartzeetan, konfiantzazko harremanak eraikitzeko
|
Erakundea: GARAIA OSASUNERAKO SUSTAPENA S.L. Sektorea: Hezkuntza Langile kopurua: 1-5 www: https://garaiaos.eus/ Kontaktuaren izena: Ainhoa Lauzirika Basaguren Kontaktuaren posta elektronikoaren helbidea: a.lauzirika@garaiaos.eus Kontaktuaren telefono zenbakia: 614 02 12 91 |
| Hitz gakoak Produktu eta zerbitzuak |
| Erreferentzia Marko Estandarraren elementua 2-Bezeroekiko (pertsona fisikoak) edo herritarrekiko harremanak |
| Kudeaketa aurreratuaren ereduaren elementua 2-Bezeroak |
Euskara lehenestea arreta psikologikoan eta esku-hartzeetan, konfiantzazko harremanak eraikitzekoZer da? Zertan datza?Erakundeak arreta psikologikoa, orientazioa eta hezkuntza-esku-hartzeak egiten dituenean, erabiltzailearen hizkuntza lehenesten du, eta ahal den guztietan euskaraz eskaintzen ditu zerbitzuak. Psikologia-saioetan, ikastetxeetako tailerretan, familia-aholkularitzan eta bestelako esku-hartzeetan, pertsona bere hizkuntzan artatzeak harreman hurbilagoa, seguruagoa eta konfiantzazkoagoa eraikitzen laguntzen du. Horrek komunikazioa errazten du, emozioak modu naturalean adierazteko aukera ematen du eta esku-hartzearen kalitatea hobetzen du. Gainera, gure jardunaren ardatza osasun emozionalaren sustapena eta prebentzioa denez, ulertzen dugu ezin dela ongizate emozionala modu integralean landu pertsonaren hizkuntza kontuan hartu gabe. Hizkuntzak pertsonaren bizipenak, kultura, testuingurua eta errealitatea ulertzeko bidea eskaintzen du, eta, ondorioz, esku-hartzea egokiagoa eta esanguratsuagoa izatea ahalbidetzen du. Nondik dator? Praktika hau erakundearen pertsonengan oinarritutako esku-hartze eredutik eta hizkuntza-politikatik dator. Abiapuntutzat hartzen da hizkuntza ez dela komunikazio-tresna hutsa, baizik eta lotura afektiboak sortzeko, konfiantza eraikitzeko, pertsonaren errealitatea hobeto ulertzeko eta osasun emozionala sustatzeko funtsezko elementua. Zeintzuk dira onurak, lortu diren emaitzak? Erabiltzaileekin eta familiekin konfiantzazko harremanak errazago eraikitzen dira. Arreta psikologikoan eta aholkularitzan komunikazioa naturalagoa eta eraginkorragoa da. Pertsonaren kultura, testuingurua eta bizipenak hobeto ulertzen dira, esku-hartzea egokiagoa izan dadin. Ikasleek tailerretan parte-hartze handiagoa eta espontaneoagoa izaten dute. Euskararen erabilera ongizatea, hurbiltasuna eta arreta pertsonalizatua sustatzeko tresna bihurtzen da, osasun emozionalaren sustapena eta prebentzioa indartuz. |