IKERLAN S.COOP
Hizkuntzaren kudeaketa erakundetzea: organoak euskara planaren jabe
|
Erakundea: IKERLAN S.COOP Sektorea: Zerbitzuak Langile kopurua: + 251 www: https://www.ikerlan.es/eu Kontaktuaren izena: Xabier Sagartzazu Kontaktuaren posta elektronikoaren helbidea: xsagartzazu@ikerlan.es Kontaktuaren telefono zenbakia: 943 712 400 |
| Hitz gakoak Lan-hizkuntza Hizkuntza politika Estrategia |
| Erreferentzia Marko Estandarraren elementua 6-Kudeaketa-sistema |
| Kudeaketa aurreratuaren ereduaren elementua 1-Estrategia |
Hizkuntzaren kudeaketa erakundetzea: organoak euskara planaren jabeIKERLANeko Euskara Planak 30 urte baino gehiagoko ibilbidea du. Lehen diagnostikoarekin batera, euskara eskolak jarri ziren martxan. Orduko eta gaurko errealitatea oso bestelakoak izanda ere, erronka nagusiak berberak dira: euskararen erabilera bultzatzea eta lan mundua (kasu honetan, ikerketarena: erdara gailentzen den sektorea) euskalduntzen alea jartzen jarraitzea.2016an planak urrats garrantzitsu bat eman zuen, eta sistematizazio faseari hasiera eman zion: hausnarketa sakon bat abiarazi zen, "Euskara Plana norena da?" galderari erantzuteko. Horren emaitza, besteak beste, Planaren misioaren birformulazioa eta lan-ildoen definizioa izan ziren. Euskara Planaren azken bi epealdietan lau-lan ildo jorratu dira, eta kooperatibako organoek dute haien garapen eta jarraipenaren ardura. Azpimarratzekoa da, gainera, Euskara Plana ez dagoela soilik kooperatibako organo sozialen ardurapean, arlo exekutiboaren egitekoetan ere txertatzen baita. Zehazki, hauek dira lan-ildoak eta organo arduradunak: 1. EUSKALDUNEN EUSKARAREKIKO LEIALTASUNA (Kontseilu Soziala) 2. EREDUGARRITASUNA (Batzorde Betearazlea, Kontseilu Soziala eta Zuzendaritza Kontseilua) 3. EUSKARAREN ULERMENA OROKORTZEA (Zuzendaritza Kontseilua) 4. IKERLAN GIZARTEAN (Zuzendaritza Kontseilua) Hirugarren lan-lerroari aipamen berezi bat egiteak, gainera, merezi du. Euskara formazioa presente egon da hasieratik, eta zuzendaritzak bere gain du haren sustapena eta jarraipena. Egun, plantillaren %5 inguruk jasotzen ditu euskara eskolak, eta Pertsonen sailetik ahalmen berezia ipintzen da, batez ere lanpostu gakoak betetzen dituzten pertsonen kasuan, trebatzeko baliabideak eskaintzen. Hau hizkuntza eskakizunetan ere araututa dago. |
 |