Eusko Jaurlaritza. Lehendakaritza
Eusletik espedienteetara: Hizkuntza-aktibazioa eta lan-prozesuen egokitzapena Lehendakaritzan
|
Erakundea: Eusko Jaurlaritza. Lehendakaritza Sektorea: Administrazio publikoa Langile kopurua: 1-5 www: https://www.euskadi.eus/lehendakaritzaren-egoitza/web01- s1ezaleh/eu/ |
| Hitz gakoak Barneko Komunikazioa Lan-hizkuntza Lan-Tresnak |
| Erreferentzia Marko Estandarraren elementua 3-Barne-komunikazioa eta lan-tresnak |
| Kudeaketa aurreratuaren ereduaren elementua 3-Pertsonak |
Eusletik espedienteetara: Hizkuntza-aktibazioa eta lan-prozesuen egokitzapena LehendakaritzanLehendakaritzaren hizkuntza-eraldaketa integralerako abiatu dugun prozesuetako bat azalduko dugu. Berez, langileen aktibazioa (hizkuntza-ohiturak) eta egokitzapen estrukturala (lan-prozesuak eta tresnak) uztartzen dituen praktika da.Soziolinguistika Klusterraren Eusle Metodologiaren bidez 2025ean 3 zuzendaritzetako langileak ahoz eta digitalki euskaraz aritzeko aktibatu genituen. Balorazio-saioetan langileek muga batzuk detektatu zituzten: lan-eduki batzuk gaztelaniaz egoteak euskarazko elkarrizketak oztopatzen dituzte. Horrek Eusle metodologian aurreikusi genuen prozesuaren ezinbesteko eboluzio bat ekarri digu eta 2026ko kudeaketa-planean horri erantzuteko ekintzak txertatu ditugu: hiztegi tekniko espezifikoa sortzea eta espedienteak euskaraz tramitatzeko barne-zirkuituak antolatzea; erakundearen kultura eta eguneroko lana erabat lerrokatuz. 1. Fasea: Hizkuntza-aktibazioa (Eusle): Langileek ahozko eta ingurune digitaleko elkarrizketetan inertziak astintzeko konpromisoa hartu eta bideratu dute; erabilera erosotasunetik bultzatuz. 2. Fasea: - Hiztegi teknikoaren lanketa: eguneroko lanean gehien erabiltzen diren termino eta esaldi espezifikoak bildu, itzuli, zuzendu eta lantzen hasi gara, langileei segurtasun teknikoa emateko. Helburua da, talde-dinamikan bideratutako prozesuari segida ematea, gaikako glosario praktikoak osatzea eta horiek lantzeko espazioak adostea. - Espedienteak euskaraz tramitatzeko barne-zirkuituen proba pilotua: tramitazio lan-fluxuak eta dokumentu-txantiloiak euskaraz sortzeko eta estandarizatzeko proba pilotua egiten ari gara. Helburua da espedienteen tramitazio osoa euskaraz egin ahal izatea. Esan bezala, praktika hau Eusle ariketa amaitu ostean egindako hausnarketatik dator. Ariketak langileen aktibazioan eta ahozko harremanetan emaitza positiboa eman zuen arren, balorazio-bileretan muga argi bat identifikatu zuten langileek: lan-prozesu batzuk euskaraz ez egiteak/egoteak gaztelaniazko inertzia sustatzen dute. - Pertsonen ohituretatik hasi eta lan-tresnen hizkuntza-kudeaketara salto egiten ari gara, langileek naturalki antzemandako behar bati erantzuteko. Prozesu borobila da. - Ebaluazio baten ondorioz sortutako hobekuntza-ekintza da, lan-eduki batzuk gaztelaniaz egotearen muga gainditzeko eta euskaraz lan egiteko baliabide eraginkorrak ahalbidetzeko. - Talde-dinamikari eutsi zaio, Eusle taldeetan abiatutako dinamika euskaraz lan egiteko prozesu bihurtzen hasi gara. - Gure beste edozein zuzendaritzan aplika daitekeen sekuentzia logikoa erakutsi digu. |
    |