Gipuzkoako Hezkuntza Ordezkaritza
Euskara atala: Euskaraz lan egiteko behar duzun guztia klik batean.
|
Erakundea: Gipuzkoako Hezkuntza Ordezkaritza Sektorea: Administrazio publikoa Langile kopurua: 101-250 www: Kontaktuaren izena: Aitzol Azpiroz Arrue Kontaktuaren posta elektronikoaren helbidea: a-azpirozarrue@euskadi.eus Kontaktuaren telefono zenbakia: 943022992 |
| Hitz gakoak Barneko Komunikazioa Lan-Tresnak |
| Erreferentzia Marko Estandarraren elementua 3-Barne-komunikazioa eta lan-tresnak |
| Kudeaketa aurreratuaren ereduaren elementua 3-Pertsonak |
Euskara atala: Euskaraz lan egiteko behar duzun guztia klik batean.Gipuzkoako Hezkuntza Ordezkaritzak Euskara atala sortzea erabaki zuen bere intranetean langileari erraztasunak emateko euskaraz lan egin dezan. Intranet osoa euskara hutsean dago eta langile orori automatikoki irekitzen zaio ordenagailua pizten duenean. Bertan, Euskara atala kokatu genuen, lehenengo orrialdean eta nabarmendutako leku batean.EUSKARA ATALA ZERGATIK ETA ZERTARAKO? 1. Lankideei eskura dauden baliabideak eskaintzeko lana euskaraz eta eroso egin dezan. 2. Ordezkaritzan euskararen alorrean egiten den lana ikusarazteko eta sustatzeko. NOLA DAGO EGITURATUTA? Euskara atalak webgune nagusia eta lau azpi atal ditu; Normalizazioa, ikastaroak, baliabideak eta sustapena. EUSKARA ATALA: Webgunean sartzean, hasierako orrialdea, albisteak eta nabarmenduak. ALBISTEAK: Guztiz dinamikoa, astero aldatzen dira eta berri nagusiak bertan txertatzen dira. NABARMENDUAK: Estatikoa, hasiera batetik langileak gehien erabiltzen diren tresnak topa ditzake. Lau azpi atalak: NORMALIZAZIOA: Euskararen normalizazioarekin lotutako informazioa biltzen duen gunea. Hauek dira eduki nagusiak: - Harrera protokoloa. Ordezkaritzan egiten den harrera linguistikoa azaltzen du. Eusko Jaurlaritzako sail eta erakunde autonomiadunetan langile etorri berriei harrera linguistikoa egiteko protokoloa moldatu eta egokitu dugu. Gutun eredua ere estandarizatu dugu. - Hizkuntza irizpideak. 2023an Ordezkaritzak bere hizkuntza irizpide propioak onartu zituen. Horien laburpena jaso da eta dokumentua bera ere. -Kudeaketa plana: indarrean dagoen euskararen kudeaketa plana azaltzen da bertan eta ekintza nagusiak laburbiltzen dira. -Kanpainak: Momentuko kanpaina nagusiaren berri ematen da. IKASTAROAK: Hizkuntza prestakuntza eskaintza biltzen duen atala. Ordezkaritzak Hizkuntza prestakuntza plan propioa dauka; hala, langileei eskaintzen zaie ikastaroak Ordezkaritzan bertan egiteko aukera. Horrez gain, IVAPeko ikastaroei (lineakoak eta jardun bikoak) eta ELEBI mintegiei buruzko informazioa biltzen da bertan. Ikastaroen balorazioak, argazkiak, iritziak, etab. ere bertan partekatzen dira. BALIABIDEAK: Euskaraz lan egiteko baliabide nagusiak langilearen eskura jartzen dituen atala. Hauek biltzen ditu: -Itzultzaile neuronalak: lau itzultzaile nagusien estekak. -Idazlagun zuzenketa zerbitzua. -IDABA: Itzulpenen datu-basea. -Euskalterm. -ELET: Euskaraz lan egiteko tresnak. -Bost minutuko ikastaroa. -Telefono aurkibidean eta outlooken “EU†ikurra jartzeko proposamena. -Beste baliabide batzuk. SUSTAPENA: Ordezkaritzan egiten den lana sustatzeko eta balioesteko atala; bertan jasotzen dira, besteak beste, Euskararen egunekoak, Euskaraldia, mintzalaguna eta gisakoak. Horrez gain, langileak uneoro dauka ekarpenak egiteko aukera; zehazki, iradokizunen postontzia erabilita: Iradokizunen postontzia: Atal horietan guztietan iradokizunen postontzia ere topa daiteke. Hala, lankide orok edozein duda, eskakizun, kexa edo gomendio helarazi diezaioke euskara teknikariari. |
    |