Gipuzkoako Hezkuntza Ordezkaritza
Euskara planak osatzeko eta onartzeko prozedurak.
|
Erakundea: Gipuzkoako Hezkuntza Ordezkaritza Sektorea: Administrazio publikoa Langile kopurua: 101-250 www: Kontaktuaren izena: Aitzol Azpiroz Arrue Kontaktuaren posta elektronikoaren helbidea: a-azpirozarrue@euskadi.eus Kontaktuaren telefono zenbakia: 943022992 |
| Hitz gakoak Estrategia |
| Erreferentzia Marko Estandarraren elementua 6-Kudeaketa-sistema |
| Kudeaketa aurreratuaren ereduaren elementua 1-Estrategia |
Euskara planak osatzeko eta onartzeko prozedurak.Euskararen esparruan kalitatean eta etengabeko hobekuntzan oinarritutako kudeaketa integratua egiteko asmoarekin, Gipuzkoako Hezkuntza Ordezkaritzak bi prozedura ikus-onetsi zituen bertako batzorde nagusietan:-Euskara plana hezurmamitzeko prozedura. -Euskara plana onartzeko administrazio-prozedura. Ideia nagusi bat azpimarratzen da, LANGILEA ERDIGUNEAN DAGO euskara plana berarekin eta berarentzat osatzen baitugu. Laburbilduz, hauek dira urrats nagusiak: 1- EBALUAZIOA/DIAGNOSTIKOA: a. Ebaluazioa: Ekintza nagusiak kuantitatiboki neurtzen dira asebetetze inkesten bidez. Ebaluazio bilera ere urtero egiten da balorazio kualitatiboa AMIA bidez jasotzeko. b. Diagnostikoa: Urtero neurtzen dira KEMENeko ezinbesteko adierazleak. Plangintzaldiaren hasieran eta amaieran diagnostiko osoa egiten da. 2- LANGILEAREN EKARPENAK: Langileak bi bide ditu ekarpenak egiteko: a. Euskara plana osatzean, berariaz ezarritako epealdian. b. Iradokizunen postontziaren bidez, edozein momentutan. 3- EUSKARA PLANAREN ZIRRIBORROA OSATU: Euskara teknikariak urteko planaren zirriborroa osatzen du ebaluazio bileran, diagnostikoan eta jasotako ekarpenetan oinarrituta. Horren ostean, a. LANGILEAREN EKARPENAK jasotzen dira. b. KUDEAKETA AURRERATUKO BATZORDEAN aurkezten da. c. ZUZENDARITZA BATZORDEAN aurkezten da. 4- PLANAREN SUSTAPENA: Plana intranetean txertatzen da eta langileei informazioa helarazten zaie. Honenbestez, PLANA ONARTU DA. Eta, NOLAKOA DA EUSKARA PLANA? Metodologikoki, etengabeko hobekuntzara bideratutako PDCA zikloan oinarritzen da. PDCA ZIKLOA: Plan edo planifikatu: helburuak ezarri eta helburu horietarako politika eta programak zehaztu; Do edo egin: ezarritako politika eta programei ekin; Check edo egiaztatu: emaitzak jaso eta helburuak bete diren aztertu; Act edo zuzendu: helburu eta emaitzen arteko diferentzien kasuak aztertu edo beharrezko erabakiak hartu eta zuzenketak egin. Zikloa etengabe egin behar da, helburu berriak planteatuz, erabateko kalitatearen alde. Teknikoki, aldagai hauek jasotzen dira ekintza/ jarduera bakoitzari buruz: -Deskribapena: Zertan datza. -Helburua: Zergatik egiten da ekintza hori. -Azpi ekintzak: Jarduera hori aurrera eramateko eman beharreko pausuak. -Jarraibideak: Nola egin behar da jarduera; nork hartuko duen parte. Atal honetan karguak jasotzen dira. -Aginte taula: Nori dagokio zer egitea. Atal honetan izen-abizenak jasotzen dira. -Adierazleak: Zer neurtuko da, nola neurtuko da eta noiz neurtu behar da. Adierazleak mota askotakoak izan daitezke; kuantitatiboak, kualitatiboak, KEMEN adierazleak, SMART adierazleak, etab. -Helmuga: Zer lortu nahi da ekintza horrekin. |
  |