Usurbilgo Udala
Udalbatzarrak emititzeko aldibereko itzulpen-sistema
|
Erakundea: Usurbilgo Udala Sektorea: Administrazio publikoa Langile kopurua: 21-100 www: https://www.usurbil.eus/ Kontaktuaren izena: Iratxe Begiristain Otegi Kontaktuaren posta elektronikoaren helbidea: ibegiristain@usurbil.eus Kontaktuaren telefono zenbakia: 688 75 77 20 |
| Hitz gakoak Bezeroen euskararen erabilera areagotzea Lan-Tresnak |
| Erreferentzia Marko Estandarraren elementua 2-Bezeroekiko (pertsona fisikoak) edo herritarrekiko harremanak |
| Kudeaketa aurreratuaren ereduaren elementua 2-Bezeroak |
Udalbatzarrak emititzeko aldibereko itzulpen-sistemaUsurbilgo Udalaren lan-hizkuntza euskara da, eta udalbatzarrak euskara hutsean egiten dira. Udalean egindako azken inbertsio teknologikoak medio, gaur egun, udalbatzarrak grabatzeko eta emititzeko sistema bat ezarri da, eta horrek herritarrekiko komunikaziorako aukera berriak zabaldu ditu. Alegia, euskara ulertzen ez duten pertsonek udalbatzarretako informazioa zuzenean jaso ahal izateko sistema bat probatzen ari da.Euskara hutsez diren udalbatzarretan lantzen diren gaiak herritarrengana helarazteko praktika bat testeatu da udalean. Udalbatzarraren emisioan bertan, Elhuyarrek garatutako aldibereko itzulpen-sistema integratu da, eta, horren bidez, zuzenean Youtubera gaztelaniazko azpitituluekin hornituta emititu da udalbatzarra. Zuzenean egiten da transkripzioa euskaratik gaztelaniara, eta Youtuben agertzen da informazio udalbatzarran esaten den guztia, gaztelaniaz idatzita, euskaraz ulertzen ez duten herritarrentzat lagungarri izan dadin. Egin diren saioetan ondorio hauek atera dira: - Azpiegitura egokia dauka udalak halako planteamendu berritzaileak egiteko. - Udalbatzarretan ondo funtzionatzen du, eta ulergarria da sistemak automatikoki sortzen dituen azpitituluak; udalak dituen beste behar batzuetarako sistema bera erabil daitekeen probatuko da, esaterako, auzoetan egiten diren bilera presentzialetarako. - Euskara sustatzeko tresna egokia da: gaztelaniazko azpitituluak irakurtzen ari den herritarrak euskaraz entzuten du edukia; alegia, euskara entzuten jarraitzen du, baina ulertzen ez duen kasurako azpitituluak irakur ditzake gaztelaniaz. - Euskaraz ematen diren informazioak zuzenean beste hizkuntzatara itzultzeko erabil daiteke sistema hau, gaztelaniarekin egin den moduan, beste hizkuntza batzuetarako ere erabil daiteke. Behin proba hauek eginda, udalak bestelako hausnarketa batzuk egin nahi ditu: - Tresna honen ezarpenaren balorazio kualitatiboa herritarrekin eta eragileekin. - Beste egoera batzuetan halako tresna bat martxan jartzeko aukerak aztertu. - Halako tresna batek hizkuntzen kudeaketan izan ditzakeen bestelako eraginei buruzko hausnarketa bideratu. Sistema probatzen ari gara, eta bitarte horretan publikoki ez erakustea erabaki da. |
 |