BATZ S. COOP
Hizkuntza Politika Orokorraren ezarpena
|
Erakundea: BATZ S. COOP Sektorea: Industria Langile kopurua: + 251 www: https://www.batz.com/eu/ Kontaktuaren izena: Saioa Loizaga Kontaktuaren posta elektronikoaren helbidea: sloizaga@batz.es Kontaktuaren telefono zenbakia: 638172036 |
| Hitz gakoak Hizkuntza politika Estrategia |
| Erreferentzia Marko Estandarraren elementua 6-Kudeaketa-sistema |
| Kudeaketa aurreratuaren ereduaren elementua 1-Estrategia |
Hizkuntza Politika Orokorraren ezarpenaHizkuntza Politika Orokorra berritu du BATZ S. Coop-ek, eta hori ezartzeko plangintza diseinatu da. Kooperatibako sail guztietako arduradunekin egin da bilera bat ezarpena egiteko modua zehazteko. Hiru ezarpen maila aurreikusi dira: oinarrizkoa, aurreratzekoa eta gune euskaldunak. Arduradun bakoitzak erabaki du bere saila zein ataletan sartuko duen, eta horren araberako lanketa egiten da.Sail guztietan ezarri beharreko gutxieneko puntuak ezarri dira (hizkuntza paisaia, komunikazioa eta ikasleen praktikaldia), eta oinarrizko taldeak horiek bete beharko ditu. Aurreratzeko taldean sartuko diren sailek erabakiko dute zertan egingo duten urrats bat gehiago, eta gune euskaldunetan euskaraz jarduteko irizpideak ezarri dira. Lehen bilera egin ondoren, eremu bakoitzean parte hartuko duten sailetako arduradunekin egin dira bilerak eurek erabakitako ezarpen taldean zein lanketa egin beharko duten adosteko. Hona hemen zein neurri ezarri diren, adibide batzuk: - OINARRIZKO MAILAN parte hartu duten sailek bete beharreko gutxieneko bat izan dute, honakoa: hizkuntza paisaiak euskaldunduta egon behar du, eta irizpideak bete; langileei bidalitako mezu orokorretan euskarak presente egon behar du, baita banatuko diren dokumentuetan ere; praktiketako ikasleen instruktoreek euskaraz jakin beharko dute, eta praktika euskaraz izan dadin sustatuko da. - AURRERATZEKO MAILAN parte hartu duten sailek oinarrizko mailako hiru puntu horiek betetzeaz aparte, arduradunak erabakitzen du zertan eman urrats gehiago. Adibidez, batzarretan euskarak presentzia izatea, euskalduna nor den identifikatzea (eta horren araberako neurriak ezartzea) edo euskararen erabilera areagotzeko kooperatiban antolatzen diren ekimenetan aktiboki parte hartzea. - GUNE EUSKALDUNETAN oinarrizko taldeetako baldintzak betetzeaz gain, euskaraz funtzionatzeko neurriak hartuko dira. Talde horietan bermatuta egon beharko da lankide denen euskarazko ulermena, eta honako neurriak garatuko dituzte: batzarrak euskaraz egiteko neurriak ezartzea, aktak euskaraz jasotzea, eta gune barruko komunikazioa euskaraz izatea. Nondik dator? Hizkuntz Politika Orokorra ezartzeko beharretik. Zeintzuk dira onurak, lortu diren emaitzak? Hizkuntza Politika Orokorraren oinarrizko printzipioak enpresan ezartzeko prozesua era berean ematea, eta inplikatutako sail guztiak hizkuntzaren kudeaketan sentsibilizatzea. |
 |