CIKAUTXO
Langileen hizkuntzen ezagutza-maila eta lanpostuarekiko egokitasunaren segimendua
|
Erakundea: CIKAUTXO Sektorea: Industria Langile kopurua: + 251 www: www.cikautxo.com |
| Hitz gakoak Langileen euskararen erabileraren areagotzea Neurketa eta jarraipena |
| Erreferentzia Marko Estandarraren elementua 3-Barne-komunikazioa eta lan-tresnak 6-Kudeaketa-sistema |
| Kudeaketa aurreratuaren ereduaren elementua 3-Pertsonak 10-Emaitzak |
Langileen hizkuntzen ezagutza-maila eta lanpostuarekiko egokitasunaren segimenduaZer da? Zertan datza?Cikautxoko lanpostu guztiek ezarrita dute hizkuntzen ezagutza-maila. Bestalde langile guztien ezagutza-maila ere jasota dago langilearen fitxan. Orokorrean ingelesa, frantsesa, alemana eta hizkuntza lokala jasotzen dira. Berriatuan, enpresaren egoitza nagusian, euskara hartzen da hizkuntza lokaltzat. Gauzak horrela enpresaren ERPak hilero, hileko lehen egunarekin batera, aukeratutako pertsona jakin batzuei bidaltzen die txostena (giza baliabideetako arduraduna eta sail horretako zenbat teknikari). Txosten horretan jasotzen da langile bakoitzak hizkuntza bakoitzean duen maila eta bere lanpostuarekiko egokitasuna. Txostenean honako aukera hauek azal daitezke: - Informaziorik ez (oraindik langilearen ezagutza-maila erregistratu gabe dagoenean) - Maila apala (langileak lanpostuari dagokion baino ezagutza-maila apalagoa duenean) - Maila egokia (langileak lanpostuari dagokion ezagutza-maila duenean) - Maila altua (langileak lanpostuari dagokion baino ezagutza-maila altuagoa duenean) - Beharrik ez (dena delakoagatik lanpostu horrek hizkuntza jakin baten beharrik ez duenean) Ikusten denez tresnak informazio egokia eman dezan hainbat eginkizun ongi beteta izan behar da, hauek hain zuzen ere: - Lanpostu guztiek ezarrita izan behar dute hizkuntza-eskakizuna ezarrita, hau da, lanpostua egoki betetzeko pertsonak izan behar duen hizkuntza bakoitzaren ezagutza-maila jasota. - Pertsonaren baten datua falta bazaigu, txostenean ikus daiteke, izan ere “informaziorik gabe†mezuarekin azalduko zaigu. - Langile berriak sartu ahala informazioa osatu egin beharko da, baita langileak hizkuntza jakin batean maila hobea lortzen duenean. Nondik dator? Cikautxok Hizkuntza Politika Orokorra 2013an onartu zuen. Horrekin batera 2014an lanpostu bakoitza betetzeko langileak beharko zukeen hizkuntza-maila jasotzen zuen prozedura ezarri genuen. Bestalde, lanpostua betetzeko langileak behar dituen ezagutza teknikoak lanpostuaren fitxan jasota zeuden. Zenbait lanpostutan atzerriko hizkuntzak ere azaltzen ziren, baina ez hizkuntza lokala. Lokala diogu Cikautxok badituelako EHtik kanpo hainbat lantegi beste nazio batzuetan (Espainia, Mexiko, Errumania, Txekia, India…). Beraz, lanpostuaren fitxan hizkuntza ezagutzaren betekizuna jaso genuen. Harez geroztik, segimendua egiten diogu hilero. Zeintzuk dira onurak, lortu diren emaitzak? Erabaki asko hartu ahal izateko informazioa behar izaten da, esate baterako: - Lanpostua betetzeko oinarrizko ezagutzak o Barne promozio bidez o Kontratazio berrien bidez - Trebakuntza eskaintzeko hizkuntza hautatzea - Barne-komunikazioa banatzeko hizkuntza - Hizkuntzak ikasteko trebakuntza eskaintzeko - Etab. Tresna honen bidez informazioa eguneratuta eta eskura daukagu. |
    |