Gipuzkoako Futbol Federazioa
Eredugarritasuna lantzen lanpostu estrategikoekin
|
Erakundea: Gipuzkoako Futbol Federazioa Sektorea: Kirola Langile kopurua: 6-20 www: www.gipuzkoafutbola.eus/pnfg/ Kontaktuaren izena: Iņigo Letamendi Artetxe Kontaktuaren posta elektronikoaren helbidea: iletamendi@gipuzkoafutbola.eus Kontaktuaren telefono zenbakia: 943463022 Erakundearen jardueraren deskribapena: GFF 1918an sortu zen herrialdeko 4 futbol talderen ekimenez. Gaur egun milaka federatu eta herritar biltzen ditu bere inguruan, eta esan dezakegu gipuzkoar gehienengana heltzen dela, era batera edo bestera. Gipuzkoako Futbol Federazioa irabazi-asmorik gabeko erakunde pribatua da, berezko nortasun juridikoa du eta jarduteko gaitasun osoa. Kirolariak, teknikariak, epaileak, klubak, kirol-elkarteak eta beste talde batzuk biltzen ditu, futbola edozein modalitate edo espezialitatetan egin, sustatu eta antolatzeko. Bere eskurantzez gain, eskuordeturik, administrazio arloko eginkizun publikoak ere betetzen ditu, eta kasu horretan Administrazio Publikoaren laguntzaile gisa aritzen da. F.G.F.-G.F.F. futbolaren eta areto-futbolaren kirol-modalitateko jarduera eta lehiaketa ofizialak bultzatu, kalifikatu, baimendu, antolatu eta antolatzen ditu, bere lurralde-eremuan, Gipuzkoako Lurralde Historikoan. Horrez gain, kanpoan egin ditzakeen jarduerak ere sustatzen ditu. |
| Hitz gakoak Langileen euskararen erabileraren areagotzea |
| Erreferentzia Marko Estandarraren elementua 3-Barne-komunikazioa eta lan-tresnak |
| Kudeaketa aurreratuaren ereduaren elementua 3-Pertsonak |
Eredugarritasuna lantzen lanpostu estrategikoekinZer da? Zertan datza? Zuzendariei eta tarteko arduradunei zuzendutako saioak izan dira. Helburua da lidergo mota desberdinak aztertuta (kolaboratzailea, eraldatzailea, autoritarioa, abegikorra...) nork bere lidergo estiloaren inguruan hausnartzea eta lidergo mota egokietarako bidean urratsak egiten trebatzea (norbere burua ondo ezagutzeko teknikak, norbere ardurapeko langileek beharrak eta nahiak jasotzeko teknikak eta abar). Saioetan erabilitako adibideetan eta ariketetan, euren laneko ohiko egoerez gain, euskara planaren kudeaketarekin lotutako egoerak ere erabili dira.Batez ere haien lanpostuetatik eredugarri izateko hausnarketak eta ereduak jarri dira praktikan, euskararen erabilerako lidergo eta eredu izan daitezen, bai Federazioak kanpoan dituen harreman eta erakustaldi zen jardunaldietan, bai eta langileen erabilgarritasunaren eredu izateko ere.Nondik dator? Arduradun zein zuzendarien egitekoen inguruan eta eredugarritasunerako baliabideen beharretatik abiatu zen proiektua. Zeintzuk dira onurak, lortu diren emaitzak? Saio hauen onurak, parte hartu duten zuzendari eta arduradunen praktikan eta eredugarritasunean oinarritzen da. Federazioko langileen aurrean eta langileekin euskaraz aritzean eredu eta elkarrizketa gehiago egiten dira euskaraz. |