Elhuyar
Zientzia.eus: euskarazko zientzia-edukiak mundura zabaltzen
|
Erakundea: Elhuyar Sektorea: Zerbitzuak Langile kopurua: 21-100 www: https://elhuyar.eus Kontaktuaren izena: Aitziber Agirre Ruiz de Arkaute Kontaktuaren posta elektronikoaren helbidea: a.agirre@elhuyar.eus Kontaktuaren telefono zenbakia: 943 36 30 40 (Luzp.: 209) Erakundearen jardueraren deskribapena: Irabazi-asmorik gabeko erakunde pribatua gara. 1972an jaio ginen, zientzia eta euskara uztartzeko asmoz. Kultura-elkarte gisa egin genituen lehen urratsak, eta 2002an fundazio bihurtu ginen. Zientziak eta euskarak zutabe garrantzitsuak izaten jarraitzen badute ere, gaur egun, ezagutza aurreratua aplikatzeko zerbitzuak eskaintzen ditugun erakundea gara. Enpresa, gizarte-eragile eta administrazioei irtenbide berritzaileak sortzen laguntzen diegu, mundu globaleko egungo erronkei erantzunez, diziplina anitzeko ikuspegiarekin. Euskararen eta euskal gizartearen garapenean erreferente izateko, lankidetzan dihardugu zientziaren, adimen artifizialaren, hiztegigintzaren, itzulpengintzaren hizkuntza-kudeaketaren eta hobekuntza sozialaren eremuko profesionalekin. |
| Hitz gakoak Gizartearekin konpromisoa Produktu eta zerbitzuak Sortze-hizkuntza |
| Erreferentzia Marko Estandarraren elementua 2-Bezeroekiko (pertsona fisikoak) edo herritarrekiko harremanak 6-Kudeaketa-sistema |
| Kudeaketa aurreratuaren ereduaren elementua 1-Estrategia 2-Bezeroak 4-Gizartea eta Ingurumena |
Zientzia.eus: euskarazko zientzia-edukiak mundura zabaltzenZientzia.eus zientzia eta teknologiaren gaurkotasunari buruzko multimedia webgune bat da. Gaur egun, indar handia dute zientziak eta teknologiak, gizartearen garapena eta norabidea markatzeraino. Beraz, funtsezkoa da zientziak esku artean dituen erronkak gizarteratzea eta horrek planteatzen dituen auzi etiko, mediko, teknologiko, ekonomiko, filosofiko eta abarrei buruz hitz egitea. Zientzia.eus webgunean mundu osoko zientziari begiratzen zaio, baina arreta berezia jartzen zaio Euskal Herrian egiten diren zientzia eta teknologiari. Are gehiago, bertako begiradaz aztertzen dira zientziak planteatzen dituen auzi globalei ere.Euskaraz egiten da lan Elhuyarren, eta euskaraz sortzen da zientzia.eus webgunean argitaratzen den eduki guztia, euskararen normalizazioa helburu. Alabaina, Elhuyarren garatutako Elia itzultzaile automatikoa zientzia.eus atarian integratuta dagoenez, euskaraz gain beste hainbat hizkuntzatan ere irakur daitezke eduki guztiak: gaztelaniaz, frantsesez, ingelesez, katalanez eta galegoz. Horri esker, euskara ondo menderatzen ez duten euskal herritarrengana iristen da, itzulpen automatikoa eskatzeko aukera baitute. Bestalde, Internetko bilatzaileetatik, Googletik, kasu, euskaraz, ingelesez, gaztelaniaz, frantsesez, katalanez zein galegoz egiten den edozein bilaketatik zientzia.eus-eko hizkuntza horietako zientzia-edukietara irits daiteke. Hala, Europa eta Amerika osora zabaltzen da Euskal Herrian egindako ikerketaren eta aurrerapenen berri, eta, neurri txikiagoan, gainerako kontinenteetara. Aipatzekoa da zientzia.eus-era euskara ez beste hizkuntzatatik iristen diren erabiltzaileei edukia sortu den hizkuntzan irakurtzeko aukera ere ematen zaiola, hau da, euskarazko edukira zuzenean sartzeko esteka bat eskaintzen zaio. 2021etik dago Elia itzultzaile automatikoa txertatuta zientzia.eus-en. Haren eragina nabarmena izan zen: urte hartan, bisitariak hirukoiztera iritsi zen webgunea. https://zientzia.eus |
  |