Osakidetzako Zuzendaritza Nagusia
Hizkuntza-eskakizunak, lehentasunak eta derrigortasun-datak: lanpostu huts begetatiboak
|
Erakundea: Osakidetzako Zuzendaritza Nagusia Sektorea: Osasuna Langile kopurua: + 251 www: http://osakidetza.eus Kontaktuaren izena: Gontzal Lopez Lopez Kontaktuaren posta elektronikoaren helbidea: gontzal.lopezlopez@osakidetza.eus Kontaktuaren telefono zenbakia: 945006029 Erakundearen jardueraren deskribapena: EAEko herritarrei asistentzia sanitarioa ematea. |
| Hitz gakoak Pertsonen hautaketa Estrategia |
| Erreferentzia Marko Estandarraren elementua 3-Barne-komunikazioa eta lan-tresnak 6-Kudeaketa-sistema |
| Kudeaketa aurreratuaren ereduaren elementua 1-Estrategia 3-Pertsonak |
Hizkuntza-eskakizunak, lehentasunak eta derrigortasun-datak: lanpostu huts begetatiboakLehentasunak eta derrigortasun-datakDerrigortasun-data duten lanpostuen portzentaje-sistema (unitate bakoitzean eskatzen den gutxienekoa motaren eta dagoen zentroaren arlo soziolinguistikoaren araberakoa da), ez da mekanismo estatikoa Osakidetzan; alderantziz, gutxieneko ehunekotik abiatuta, pixkanaka handitzen joan daiteke, gizartean dauden beharretara egokitzeko edota behar horiei aurrea hartzeko. Gainera, 2. Euskara Planetik aurrera, derrigortasun-data jarri behar zaie lehentasunezko zerbitzuetako lanpostu huts begetatiboei (hau da, erretiroagatik, ezintasun iraunkorragatik edo titularra hiltzeagatik hutsik daudenei), eta, 3. Planetik aurrera, data ere ezarri behar zaie lehentasunezko zerbitzuetako buruzagitza- eta erantzukizun-lanpostuei. Horri guztiari esker lortzen da derrigortasun-daten kopurua handitzea, eskatutako gutxienekoaren gainetik. Lehentasunen eta derrigortasun-daten sistema horren jarraipena Zuzendaritza Nagusian egiten da lehen plangintzalditik, eta, oro har, zerbitzu-erakundeen betetze-maila eta garapena handia da. 2024ko maiatzean, 18.682 lanpostu daude derrigortasun-datarekin Osakidetzan (aurreko urteko maiatzean baino 946 gehiago); hau da, egiturazko plantillaren % 57,59. Horietatik, batazbesteko bat egingo bagenu, urtero arrazoi begetatiboengatik 400-450 lanpostu ingururi jartzen zaie Derrigortasun Data. Datu horiekin, Osakidetza EAEko Administrazio Orokorrerako ezarritako nahitaezko indizetik gorago dago (euskaldunen ehunekoa + euskaldun pasiboen ehunekoa zati bi), gaur egun % 51n baitago. |