KONTZILIA AINTZATESPENA
Aintzatespen hori Eusko Jaurlaritzako Ongizate, Gazteria eta Erronka Demografiko Sailak sustatu du. Helburua da bizitza pertsonala, familia eta lana uztartzeak erakundeen kudeaketan duen integrazio-maila aitortzea. Ekimena EUSKALITek garatutako Kontziliazioa Kudeatzeko Gidan oinarritzen da, eta Kudeaketa Aurreratuaren Eredua hartzen du erreferentziatzat.
Edozein euskal erakunde publiko edo pribatuk, edozein dela ere bere sektorea, tamaina edo forma juridikoa, Kontzilia Aintzatespena jasotzeko aukera izango du. Sistemak izaera progresiboa du, eta honako helburu hauek ditu: kudeaketan kontziliazioa modu egituratu eta sistematikoan txertatzea bultzatzea, erantzunkidetasuna eta aukera-berdintasuna sustatzea, eta lurraldearen lehiakortasun jasangarrian laguntzea.
Kontzilia aintzatespena lau mailatan egituratzen da, eta hainbat heldutasun-maila islatzen dituzte estrategian, pertsonengan, bezeroengan, gizartean, berrikuntzan eta erakundeen emaitzetan integratzean:
- Kontzilia URDINA
- Kontzilia BRONTZEA
- Kontzilia ZILARRA
- Kontzilia URREA
URDINA eta BRONTZEA mailetarako, erakundeak aurkeztutako dokumentazioaren analisian oinarrituko da ebaluazioa. ZILARRA eta URREA mailetarako, dokumentuak aztertzeaz gain, kanpo-ebaluazio bat egingo da in situ, EUSKALITek koordinatutako talde ebaluatzaile baten bisitaren bidez.
2026. ediziorako eskaera aurkezteko epea maiatzaren 31ra arte egongo da zabalik. Eskaera horretarako gaitutako web honen bidez egin behar da, erakundearen erregistroaren, eskatutako informazioa betetzearen eta lortu nahi den mailaren adierazpenaren bidez (ondoren "Jarraitu" sakatzean agertzen den alta-orrian)..
Eta Gida zehatzago ezagutu nahi baduzu eta barne-autodiagnostikoa egiteko nola erabili nahi baduzu, ebaluazio-prozesua aintzatespenerako sarbide gisa, edo, besterik gabe, kontziliazioa zure erakundearen kudeaketan nola txertatu jakiteko jardunbide egokiak identifikatu nahi badituzu, anima zaitez EUSKALITek maiatzaren 5ean egingo duen webinarrean izena ematera. Eman izena hemen edo jarri harremanetan gurekin atrapote@euskalit.net eta ubilbao@euskalit.net (944209855), Hemen usten dugu zehaztasun guztiak dauzkan dokumentu bat.
|
