500 pertsona, gehienak zuzendariak, mundu osoko 37 lurraldetatik etorri dira, Berrikuntza eta Sormenari buruz eztabaidatu eta ezagutza partekatzeko EFQM Foroan. Astelehenean Foroa hasi zen zenbait euskal erakundeen kudeaketa praktika onetatik ikasteko ate irekien jardunaldi batzuk antolatu ziren. Biltzarkideak sektoreetan banatu ziren eta Bilboko Osakidetzaren egoitzan bildu ziren Bilboko Eskualdea, Galdakao-Usansolo Ospitalea, Gipuzkoa Ekialde Eskualdea eta Zumarraga Ospitaleko aurkezpenak entzuteko. Vizcaya Ikastetxeak aldiz, Lauaxeta Ikastola eta Urkide Ikastetxearen praktika onak aurkezteko bere egoitza partekatu zuen. Hirugarren talde batek EiTBko egoitzara gerturatu ziren. Foroaren harrera ofiziala Guggenheim Bilbao Museoan izan zen, Bernabé Unda, Industria, Berrikuntza, Merkataritza eta Turismo Sailburua eta Ibon Areso, Bilbao Udaleko alkateordearen esku. Foroaren ekitaldirik garrantzitsuenen laburpena hurrengo berrietan... eta hitzaldi guztien laburpen bat XVI. Kalitate eta Bikaintasunaren Astean banatuko den aldizkarian argitaratuko dugu.

Olabide Ikastola kudeaketaren EFQMak urtero banatzen duen Bikaintasunari europar saria jaso zuen, bere bezeroei (sendi eta ikaslegoa) balioa eman eta euren pertsonen bitartez arrakasta lortzeagatik aintzatetsiak izanik. Olabide Ikastolaz gain, Osakidetzako Gipuzkoa Ekialde Eskualdea 2007an jada jasotako beste Finalista aitortza bat gaineratu zuen. Bi euskal erakunde hauekin batera, beste 11 europar erakunde aintzatetsiak izan ziren, Alemaniako Bosch edo Erresuma Batuko Siemens bezalakoak. Patxi López Lehendakariak, Olabideko Zuzendaria den Iñaki Zubeldiari garaikurra eman ziona, kudeaketaren Bikaintasuna Euskadiko DNAren baitan dagoela azpimarratu zuen. Hala nola, EUSKALITeko Presidentea, Txema Gisasolak, erakunde finalistei garaikurra eman ziena, bertaratu ziren mundu osoko 400 zuzendariei Euskadi bezalako ingurune bikainera hornitzaile, aliantza edota akordioak bilatzera etortzea animatu zien. Olabide Ikastola bikaintasunaren ibilbidean denbora darama, zilarrezko Qa jaso zuen 2005ean eta urrezko Qa 2008an. Osakidetzako Gipuzkoa Ekialde Eskualdea berriz, zilarrezko Qa izan zen 2003an eta urrezko Qa 2006an. Emaitza hauekin, Euskadi, europar lurraldeen arteko empresa-kudeaketari sari gehien duena da, 23 aintzatespenekin azkeneko hamaika urtetan. Erakunde saritu gehien dituen lurraldea Espainia da 31rekin (23 Euskadikoak), Erresuma Batua 28rekin eta Alemania 26rekin.

Foroaren hasieran AENOR, Cie Automotive, Bizkaiko Foru Aldundia, Club Excelencia en gestión, EiTB, EUSKALIT, Eusko Jaurlaritza, Fagor, Abu-Dhabiko Gobernua, Madrid Excelente, Mondragon eta Osakidetza babesleak, Pierre Cachet, EFQM ko Zuzendari Orokorraren aintzatespena jaso zuten. Ekitaldi honetan, Juan Goicolea, Berrikuntza eta Teknologia Sailburuordea egon zen, honek Kudeaketaren Bikaintasunak Euskadiren lehiakortasunerako duen garrantzia azpimarratu zuen. Baita Teresa Santero, Industria Idazkari Orokorra bertaratu zen ere, Espainia EFQM sari gehien duen lurraldea dela esanez, 31 aitorpenekin, horietatik %80a Euskadiko erakundeenak badira ere.

Ega Master EFQM Foroaren barne izan zen Praktika Onen sariaren finalean irabazle suertatu zen, nazioarteratze eta berrikuntzan oinarrituriko multinazionala den sendi Ete baten arrakasta praktikarekin. Urkide Ikastetxea bigarrena geratu zen, geletako "bullying"a saihesteko metodologia praktikoarekin, eta hirugarren lekuan, Galdakao-Usansolo Ospitalea geratu zen, "Kirozainbide" tresna informatikoarekin. Sei erakunde finalera heldu ziren, europako 26 hautagaien artean, EFQMak hautaturiko nazioarteko epaimahaiaz gain, gerturatu ziren 300 pertsonen botoek praktikarik onena aukeratzeko balio izan zuten. EUSKALITek Berrikuntzari buruzko nazioarteko praktika onen topaketa bat burutzea EFQMari proposatu genion, 400 Klubeko Berrikuntza Praktika onen topaketaren antolaketan dugun zazpi urteko esperientziatik abiatuta. Urteko topaketa honetan, kasurik onenak identifikatu eta saritzen ditugu, ondoren, erakundeak praktika hoiek parteka ditzaten.

EUSKALITek, CEX-Bikaintasun Zentroen lehendakariordetza dugu, bertan 16 erakunde gaude, honako helburuarekin, kudeaketa kalitate, berrikuntza eta bikaintasunaren kultura edozein motatako erakundeetan sustatzea. Biok EFQM Foroan stand bat partekatu genuen, non txapelak, liburuxkak eta Euskadik Europan dituen emaitzak zituen katiluak banatu genituen guztien poztasunerako.