BIKAIN - Euskararen Kalitate Ziurtagiria

Ebaluatzailearen zeregin nagusia erakunde bat ebaluatzea da, taldea osatzen duten gainerako ebaluatzaileekin batera, eta Bikaineko ebaluazio-parametroei jarraiki.

Bikain ebaluazioa egiteko Ebaluatzaileen Kluba sortu da. Ebaluatzaile hauek berariazko prestakuntza-saioa egina izango dute, Euskaliten eta Hizkuntza Politikarako Sailburuordetzaren eskutik, eta lan-jatorriz hauetako batekoak izan beharko dute:

• Enpresetako koordinatzaileak/ordezkariak
• Euskaliten Ebaluatzaile Klubeko kideak
• Enpresetako euskara-planen teknikariak
• Euskara-teknikariak

Helburua Ebaluatzaile Klub zabala eratzea da, lan-jatorri askotariko kideez osatua. Izan ere, azken helburua euskararen erabileraren aldeko praktika onak konpartitu eta zabaltzea da, horretarako lan-sare bat sortuz.

Hori horrela, ebaluazio-taldeak 3-4 pertsonek osatuko dute gehienetan, lan-jatorri eta ibilbide desberdinetakoak, horietako bat talde-buru izango delarik.

Izena eman aurretik, komeni da Erreferentzia Gida  agiria irakurria izatea, baita aurtengo kronogramaren berri izatea ere.

ITZULI