|
|
|
|
|
|
 |
| Albisteak | Iradokizunak eta Erreklamazioak | Web Inkesta | Web Mapa |
|
ENPRESARI EUSKALDUNEN IRITZIA "Hasiera batean, uste genuen Turismo Kalitatearen Q saria lortzearekin, Bilboko Aireportuko Jatetxean egiten dugun lana behar bezala betetzen ari ginela aintzat hartzea ekarriko zigula, erakunde inpartzial batek kontrolatzen zituen arauei jarraiki egiten dugun lana aintzat hartzea ekarri ere.Orain, ziurtagiri hori lortu ondoren, ziur gaude gure establezimenduaren arlo guztietan etengabe hobetzea lortzen lagunduko digun tresna ere izango dela, eta horrek gure helburu nagusia lortzen lagunduko digula: bezeroa erabat asetzea." Sabin Ayarzagüena BILBOKO AIREROPORTUKO JATETXEA(Galdakao) "Kalitatearen Q Saria lortu izanak, zuzendaritzako, sukaldaritzako, jangelako, mantenuko, garbiketako eta biltegiko prozeduran egindako gure lan-metodoen hobekuntza etengabea eskatzen du, erregistroan agertzen baita. Bezeroaren mesederako da hau, eta gainera, hobekuntza honetan partehartzaile egiten zaie, inkesten edota iradokizunen bidez. Guzti honek, bezeroek jatetxean dituzten beharrak eta euren pentsamenduak ulertzen laguntzen digu, eta jatetxearen hobekuntzan duen garrantziaz jabetu arazten zaio bezeroari. Horrela, bezeroa poliki-poliki leialago egiten doa, eskaeretan zorrotzago egiten doan heinean, eta etengabe hobetzen joatea eskatzen digu guri ere. Azken batez, gure lan-filosofian bilakatu da Kalitatearen Q Saria." Juan Antonio Rementeria REMENETXE JATETXEA "Hotelean 'Kalitate Sistema' (ISO 9001:2000 / Q Turistikoa) bat garatzea planteatu izanak, gure helburu nagusia bezeroa pozik egotea den lanerako linea sortzeko nahiari erantzuten dio. Kalitate Sistema erabiltzeak honako hau suposatzen du: - bat-batean egin baino, planifikatzea - itsu-itsuan eskaini baino, bezeroen eskaerak entzutea - pertsonalari lan-ereduak inposatu baino, euren iradokizunak eta hobekuntzak entzutea - egiten agintzea baino, taldean lan egitea Emaitza: guk geure burua ebaluatzen dugu eta bezeroak ebaluatzen gaitu; horri esker hobetu, hazi eta merkatuan lehiakorragoak izateko aukera dugu." Roberto Uriarte ABBA LONDRES Y DE INGLATERRA HOTELA "Gure establezimenduak kalitatezko 'Q' saria lortu izanak gure hotel txikia jabearen aldartearen baitan ez egotea ekarri du batez ere. Horrelako hoteletan, harreragile, kudeatzaile, sukaldari eta beste hainbat lanetan aritzen da jabea. Inork pentsa al lezake horrela funtzionatzerik badagoela? Gure ustez, ezinezkoa da. Ezarritako kalitate-sistemari esker, departamentu bakoitzak oso argi du zein den une bakoitzean izan beharreko funtzionamendu zuzena, bezeroa pozik egon dadin jaso duen zerbitzuarekin. Langileek erabateko ahalegina eta inplikazioa dute; hasieran, beldur ginen, baina orain poz-pozik gaude; izan ere, ez da denbora asko sistema aplikatzen hasi ginela, baina tarte labur horretan onura izugarria lortu dugu; inoiz baino ziurrago gaude hori dela bide zuzena hotel xarmagarria, bene-benetako hotela lortzeko." Víctor Alza OBISPO HOTELA
|
||
|
Copyright © 2006 EUSKALIT, Kalitaterako Euskal Iraskundea. Baimen Guztiak Erreserbatuak. EUSKALIT. Bizkaiko Parke Teknologikoa. 206A Eraikina - 48170 Zamudio [Bizkaia]. 94 420 98 55 | euskalit@euskalit.net Uvedoble Studio-k eginiko web orria |
|
