Q-Epea
Berrikuntza eta Bikaintasuna XXI. mendeko lehen urteetan bizi izaten ari garen globalizazioaren eta beste gertaera ekonomiko batzuek erantzun argia ematera behartzen dituzte euskal enpresak, gure enplegu eta ongizate mailak hobetzeko edo, behintzat, horiei eusteko. BERRIKUNTZA kudeaketaren gaineko kontzeptu bat da, azken hamarkadetan aipatua, baina une honetan indarra hartzen ari da erantzuna emateko oinarrizko ezaugarri lez. Kontzeptu bat gorpuzten den ia aldi guztietan bezala, ohiko bi gertaera jazotzen dira: 1. Zalantzak: Norainokoa da edo zein da eragin eremua: produktuak, prozesuak, kudeaketa, etab? Zein da beste kontzeptu batzuekiko ezberdintasuna edo integrazioa: hobekuntza (jarraitua, haztekoa, erabatekoa), bezeroaren asebetetzea, ezagutzaren kudeaketa, etab.? Zelan ezartzen da: proiektu jakin baten bidez, prozesu zehatz bat sortuz, prozesu guztietan landuz, etab.? 2. Moda: kontzeptu berria goraipatzeko joera dago, zenbait alderdi lehentasunezkotzat hartu eta iraganean ezarri dituen beste alderdien ordez jartzeko edo horiekin bateraezintzat hartzeko joera. EUSKALITek bere ekarpena egin nahi du, hainbat autorek adierazitako gogoetak eta ideiak konpartituz, baita kasu praktikoak ere. Bikaintasun ereduetako oinarrizko kontzeptuetako bat da berrikuntza eta, zehazkiago, Europako EFQM Ereduan. Horrela definitzen da berrikuntza Europako Ereduan: "Produktu, zerbitzu, prozesu, sistema eta gizarte elkarrekintza idei bihurtzea". EFQM ereduak berrikuntzari buruzko oinarrizko ideiak ematen ditu, baina ereduan bildutako gainerako kontzeptuekin gertatzen den bezala, erakundeek metodologia eta tresnak behar dituzte kontzeptu horiek modu iraunkorrean ezartzeko eta praktikan jartzeko. 2000. urteaz geroztik, EUSKALITek hainbat ekimen garatu ditu berrikuntzaren arloan, bereziki 400 Klubeko kideak diren enpresentzat eta erakundeentzat, eta egiaztatu ahal izan dugunez, kudeatzeko alderdirik zailenetako bat da berrikuntza. Berrikuntza sistematikoki eta modu iraunkorrean kudeatzeko, aurretik beste aldi batzuk gainditu behar dira erakundeen kudeaketan. Aurretiazko baldintza hori izan barik, uneko berrikuntza kasuak izaten dira soilik, ez dira sistematikoak. Zilarrezko Q edo urrezko Q sariak jaso dituzten erakundeek kudeaketa sistema egituratuak eta eraginkorrak dituzte alderdi askotan, baina aurretik ibilbide luzea izaten dute alderdirik sofistikatuenetan, berrikuntzan adibidez. ERAKUNDE MAILAN, alderdi hauetan jardun behar da berrikuntza kudeatzeko: - Estrategia (erderaz) - Lidergoa (erderaz) - Pertsonak (erderaz) - Bezeroak (erderaz) - Prozesuak (erderaz) - Teknologia (erderaz) - Emaitzen Adierazleak (erderaz) MAILA PERTSONALEAN, hiru ezaugarri behar ditu berrikuntzak: aurreratzea, ausardia eta iraunkortasuna. Ikusi gehiago... Ezagutza gehiago edukitzeko: Artikuluak eta Kasu praktikoak. Hemen ikusi. (erderaz) EUSKALIT-ek eskaintzen dituen Laguntzak. Hemen ikusi. Sormena eta Berrikuntza- Europako urtea 2009 2009ko jarduerak ikusi. Euskadiko Berrikuntzaren aldeko manifestua. Berrikuntzari buruz gehiago ikasteko... INNOBASQUE. Berrikuntzarako Euskal Agentzia. EUSKADI + INNOVA. COTEC. Berrikuntza Teknologikorako Fundazioa. GIPUZKOA BERRITZEN.
Berrikuntza eta Bikaintasuna
