Adierazle Sortak

1 - Zer dira EUSKALIT-eko Adierazle Sortak?

EUSKALIT-en Adierazle Sorten helburua EFQM eredua erreferente gisa duten erakundeek euren datuen elkartrukea egin ahal izatea da, bere sektoreko hoberena identifikatuz eta baita ere praktika hoberenak ezagutzea.

Adierazle Sorta hauek erakundeko pertsonen eta bezeroen asebetetzea, gizartean izandako eragina eta bere emaitza klabeak neurtzen dituzte, eta aldi berean alderaketa eta ikaskuntzarako iturri ezin hobea dira.

Adierazle Sorta hauetan parte hartzeak abantaila ugari ditu zure erakundearentzako: EFQM ereduaren arabera enpresa bateko kudeaketa neurtzeko erabil daitezkeen adierazleak ezagutzea, beste batzuen emaitzak ikustea, antzeko erakundeen aurrean nola gauden ikusteko aukera eta azkenik emaitza hoberenak dituzten erakundeak identifikatu, horiekin kontaktuan jarri eta ikaskuntzan aurrera jarraitzea hoberenen bidez.

2- Adierazle Sortan parte hartzeko baldintzak

Elkartruke honetan EUSKALIT-en kolaboratzaile diren Hezkuntza Zentro eta Irabazirik Gabeko Erakundeek parte hartu dezakete. Zure erakundea EUSKALIT-en kolaboratzaile den jakin nahi baldin baduzu egin klik hemen.

Gainera, Adierazle Sorta honetan parte hartzen duten erakundeak honako puntuak errespetatzera konprometitzen dira:

• Item desberdinetako erakundearen datu errealak publikoak egitea adierazle sortaren parte hartzaileen artean.
• Asebetetzea neurtzen duten item-etan 0-10 eskala erabiltzen ez den kasuetan EUSKALIT-ek proposatutako konbertsioa aplikatu (adibidez 1etik 3ra, 1etik 5era, etab. kasuetan).
• Kontakturako pertsona bat proposatu praktika onak sakontzeko orduan, erakundea bisitatzeko etab.